Лукаревска: дури 10,7 отсто фирми не исплатиле плати за февруари

Директорката на УЈП, Сања Лукаревска, апелираше до Собранието побрзо да се донесат законите од петтиот пакет мерки за да не се казнуваат компаниите кои не ги исплатиле платите во февруари.

Дури 10,7 отсто од фирмите, вклучувајќи ги и самостојните вршители на дејност, не успеале да им дадат плата на вработените, информираше Лукаревска.

Таа рече дека за февруари се прифатени 63.948 ПИН пресметки од компаниите и самостојните вршители на дејност, но 6.888 немаат исплати на плата.Засега испратени се само опомени. УЈП има предвид дека финансиската помош за февруари не стигна, а дека компаниите тоа го планираа. Затоа, уште еднаш апелирам што поскоро да се донесат законите од петтиот економски пакет. Помина и март, а помош треба да се дава и за мартовска плата, рече Лукаревска.

Носењето на петтиот пакет помош за справување со економските последици од пандемијата е заглавен во собраниска процедура.