Логистика: Нов пристап за вмрежување и поврзување

Стремежот на превозниците да развијат интелигентен синџир за набавка, попаметна и побрза подвижност, како и алатки за поврзување, игра клучна улога во остварување на нивните цели

Автор: Бриџит Мккреа, помошник уредник, „Логистик менаџмент“

Глобалниот синџир за набавка може да стане покомплексен и потежок за управување, но технологијата, која рапидно се развива, им помага на менаџерите за логистика да се изборат со сите предизвици и да водат попрофитабилни, попродуктивни операции. Мобилноста и поврзаноста на софтверот и хардверот кои им овозможуваат на уредите да комуницираат едни со други, да споделуваат информации и побрзо да ги завршуваат задачите - и внатре во организациите, како и преку целиот систем на синџирот за набавки, особено се барани во овој момент.

Од својата точка на гледиште како извршен потпретседател на консултантската компанија „ВДЦ рисрч“, која овозможува детален увид на продавачите, крајните корисници и на инвеститорите низ целиот свет од 1971 година, Дејвид Кребс изјави дека една тема постојано се повторувала во текот на минатата година, а тоа е интелигентниот синџир за набавка. Дефиниран како доволно паметен да ги предвидува и антиципира барањата на потрошувачите, да ги чувствува промените во снабдувањето и побарувачката и брзо да реагира на непланираните случувања, интелигентниот синџир за набавка поседува моќни информации и податоци. Поради тоа, брзо носи одлуки за да им помогне на глобалните компании да бидат поефикасни во работењето.

Овој интелигентен систем овозможува и високо ниво на следливост на производите и пратките, што претставува свет грал за глобалните превозници кои не само што мора да ги познаваат законските прописи туку мора и да одговорат на сите барања на клиентите. Иако следливоста не е нов концепт, Кребс истакнува дека 10% од повлекувањата на прехранбените производи во последните пет години во САД се само дел од инцидентите што им се случија на превозниците при имплементацијата на технологијата за систем на интелигентен синџир за набавка.

Појавата на ешерихија коли во римската зелена салата во 2018 година беше пример како нештата можат да тргнат на лошо, истакна Кребс, додавајќи дека ФДА не можеше да ја одреди точната локација на изворот на контаминираната зелена салата.

Поради ова, агенцијата не можеше да издаде налог за официјално повлекување, туку ги „советуваше“ сопствениците на ресторани и трговците да ја отстранат зелената салата од сите кујни и полици. Трговците и сопствениците на ресторани не можеа да добијат гаранции од производителот и мораат да ги фрлат сите резерви на зелена салата, рече Кребс. 

Сè е кажано, цената на едно повлекување достигна десетици милиони долари, тоа е јасен знак дека на пазарот му е потребен поточен пристап за идентификација на проблемите, изјави Кребс, кој очекува дека сè повеќе компании како најважна инвестиција ќе го видат вложување во систем на следливост.

Заедно со иницијативите за следливост кои се базираат на видливоста, компанијата „ВДЦ рисрч“ истакнува дека аналитиката ќе одигра голема улога во глобалниот синџир за снабдување. Кребс објаснува дека, особено за пакувана храна и трговски сектор, нудењето на клиентите повеќе опции за остварување и управување со дистрибуцијата „до последната милја“ сè повеќе станува акутен предизвик.

Подобра видливост, пониски трошоци

Според изјавите на логистичките и раководителите на синџирите за набавка, кои учествуваа во истражувањето на „ВДЦ рисрч“ минатата година, првите три инвестиции беа во зголемување на видливоста, намалување на трошоците и унапредување на продуктивноста на продажната сила. За да им помогнат на доставувачите да развиваат нови софтвери, хардвери, уреди и апликации кои одговараат на еден или на повеќе предизвици.

На пример, Кребс истакнува дека еден од најголемите мобилни трендови минатата година било усвојувањето на уредите базирани на системот Android за тековните работи во претпријатијата, што во голема мера предизвика трансформација на пазарот. Следниот бран ќе настапи со модернизација на мобилната технологија во складиштата. Според Кребс, тоа ќе претставува главен инвестициски приоритет и годинава.

Дополнително, миграцијата на компаниските апликации во облак, усвојување алатки базирани на стандарди и континуирана редукција на трошоци за главни решенија за откривање и поврзување, во голема мера влијаеле врз операциите на синџирот за снабдување.

Додека прецизно се мери повратот на инвестициите, грижата за безбедност и отпорот кон промените остануваат главни бариери за прифаќање на технологиите, објаснува Кребс и додава дека влијанието на мобилните решенија врз синџирот за снабдување е од голема важност. Водечките апликации што се имплементирани се движат од стандардни апликации, како што се доказ за испорака и рутирање во реално време, па сè до нови можности, како што се роботика, автоматизација и предиктивна аналитика.

Примена на вештачката интелигенција и машинското учење

Користејќи го интернет на нештата (IoT) и технологијата базирана на сензори, на пример, увозниците и извозниците со користење на прекуокеанските носачи не само што можат да ги лоцираат своите контејнери туку и податоците, информациите и особините поврзани за овие контејнери и нивната содржина.

И така, тоа што некогаш било „црна дупка“ кога е во прашање видливоста на пратките преку далечните мориња стана многу појасно видливо на радарите на превозниците и носачите. Превозниците можат да кажат ако некоја пратка е оштетена или ако содржината не била на соодветната температура, изјави Боб Худ од компанијата „Капгемини“, која се занимава со консалтинг, технолошки услуги и дигитална трансформација. Сензорите ги собираат сите информации, презентирајќи ги на смислен начин, и потоа овозможувајќи им на превозниците или на нивните носачи да управуваат со пратките, додаде Худ.

Секако дека доаѓањето до „смислените“ информации не е секогаш лесно, ниту нивното „просејување“ може да открие кои податоци се подложни на законите, а кои можат и да се игнорираат, без последици. Тука се вклучуваат вештачката интелигенција (AI) и машинското учење (ML). Но, им даваат можност на компјутерите да имитираат интелигентно човечко размислување, а ML е подобласт на АI, кој им овозможува на истите компјутери можност да учат без експлицитно програмирање.

Во комбинација на овие две напредни технологии може да се вклучат глобалните превозници во најважните активности што се одвиваат во нивните синџири за снабдување. Затоа,  и ML може да ги здружат активностите со соодветен одговор кој може да биде автоматски или рачно воден, во зависност од одредената ситуација.

Тоа е подрачје во кое гледаме многу иновации од многубројните понудувачи на решенија, како и висок степен на прифаќање на компаниите кои гледаат на тие технологии, изјави Худ.

5G: Катализатор за промени?

Со оглед на тоа што се занимава со истражување на глобалниот синџир на снабдување и неговите клучни технолошки двигатели, Кребс ја гледа технологијата во развој, како што се автоматизираните и возилата со самостојно управување, како нешто што сè повеќе добива значење во годините што следуваат.

Уште една технологија во развој која минатата година го окупира вниманието е 5G, последна генерација на мобилни комуникации, која ги наследи системите 4G, 3G и 2G. Најсилното влијание на овој систем се очекува во текот на оваа и во наредната година.

Кребс укажува на некои можности на 5G, особено кога е во прашање замената на постојните ви-фи инфраструктури на кои превозниците најчесто се потпирале за да ја почнат својата мобилност и за уредите за поврзување.

Да не бидеме во заблуда, ви-фи е посакуван за повеќето случаи и претставува неповратни трошоци за многу организации, истакна Кербс. Според неговите зборови, сепак, постојната ви-фи инфраструктура поддржува широк спектар на операции во големите складишта.      

Носејќи поголеми брзини за движење на поголем број податоци, помала скриеност за подобар одѕив и способност истовремено да се поврзе за повеќе уреди, да ги приспособи паметните уреди и сензори, петата генерација на безжична технологија може да ја замени скапата и тешка за управување ви-фи инфраструктура во одредени опкружувања.