Автори: Мартин Максимовски, менаџер за деловен развој, „Мајкрософт" – Македонија и Андреј Митков, управител, „Искон решенија"

Ефикасноста на вработените зависи од многу параметри, како работната средина, големината на тимот во кој се работи, типот на работни задачи, уделот на теренски активности и друго. Воведувањето мобилност во работењето или можност за работа надвор од канцеларијата на фирмата, може да претставува пресврт во начинот на работење. Можноста еден работник своите задачи да ги заврши надвор од канцеларијата и воедно извештаите за сработеното да ги поднесе додека е сè уште на терен е, можеби, еден од најважните аспекти на деловното работење. Постојат повеќе аспекти на мобилност на работниците кои можеме да ги разделиме во неколку категории:

• Деловна комуникација ˗ пристап до мејл, IM комуникација, интерна-социјална мрежа, гласовна и видеокомуникација;
• Пристап до деловни документи ˗ документи на тимот, записи и белешки од состаноци;
• Можност за поднесување и за прегледување деловни извештаи;
• Пристап до податоци за клиентите ˗ извештаи, контакт-информации, финансиска картичка;
• Колаборација со преостанатиот тим ˗ споделување документи, конференциски повици, социјални мрежи.

За сите овие категории „Мајкрософт" нуди решенија и продукти што спаѓаат во три основни столбови на мобилното работење:

• Мобилна канцеларија – Microsoft Office (Office 365);
• Алатки за деловна продуктивност – Microsoft Dynamics NAV, CRM, CRM OnLine;
• Инфраструктурни системи – Microsoft Server, SQL Server, Microsoft Azure

Microsoft Dynamics NAV – систем ЕРП за мобилно време

Microsoft Dynamics NAV (ЕРП) е софтвер кој на вработените им ги дава потребните алатки за поврзување и за менаџирање на компанијата. Oд финансии до синџирот за управување со набавки, складирање и со продажба, од производство до операции, ги обезбедува потребните информации за донесување правилни одлуки.

Доколку почнете  со функционалностите што се потребни, понатаму е лесно софтверот да се приспособува на промените на компанијата, во облакот или на компаниските сервери.

Зошто е различен Microsoft Dynamics NAV ERP?

Microsoft Dynamics е повеќе од традиционален систем ЕРП кој ги интегрира финансискиот менаџмент, продажбата и другите процеси со познатите апликации Office кои секојдневно ги користиме. Во комбинација со моќта на облакот, ова бизнис-решение дава слобода за комплетно мобилно работење од кое било место, во кое било време и од кој било уред (компјутер, лаптоп, таблет). Без разлика на кој начин и од кој уред се пристапува до системот ЕРП, секогаш се добива истото корисничко искуство и истата безбедност за вашиот бизнис.

Целосно решение за компании што го надраснуваат постојниот софтвер

Веројатно сте го изградиле вашиот бизнис користејќи некое мало решение за сметководство, но како вашата компанија и бизнис-процесите стануваат покомплексни, потребен е систем ЕРП кој ќе расте заедно со компанијата и ќе ви овозможи навремени информации за брзо реагирање и за донесување деловни одлуки. Со Microsoft Dynamics NAV се овозможува:

• Навремен увид во деловните перформанси;
• Следење на зголемените барања без дополнително зголемување на бројот на вработени;
• Автоматизирање на процесите, намалување на рачното внесување податоци и намалување на ризикот од грешки;
• Менаџирање на повеќе бизниси или повеќе локации;
• Поддршка за пораст на бизнисот.

 

Преглед на функционалности

Со Microsoft Dynamics NAV и Office 365 се обезбедуваат потребните алатки за менаџирање на бизнисот и им се овозможува поголема продуктивност на вработените.

Овие доверливирешенија на кои работатповеќе од 110.000 компании во речиси 200 земји се применливи во:

• Финансиски менаџмент и сметководство – во согласност со македонските стандарди и барања;
• Синџир за набавки, производство и операции – следење и управување со производство, залихи, нарачки и со доставувачи;
• Маркетинг, продажба и сервис – управување со кампањите, продажните можности, контактите и со сервисните договори;
• Проект-менаџмент – креирање процени на проектите, следење и менаџирање на проектите и искористување на ресурсите и на капацитетите;
• Бизнис-интелигенција и извештаи – добивање навремени извештаи и аналитика за следење на перформансите со што се овозможува соодветно реагирање.

Македонска локализација

Microsoft Dynamics NAV е целосно локализиран на македонски јазик и во согласност со барањата на македонската легислатива. Македонската локализација е изработена од компанијата „Искон решенија", која воедно е локален партнер на „Мајкрософт" и врши имплементации во нашиот регион.

Македонската локализација покрива:

• Превод на македонски јазик;
• Доработки во согласност со македонската легислатива;
• Модул за плата во согласност со македонските закони;
• E-Banking интеграција со македонските банки;
• Повеќе од 200 локални специфики.

Мобилно решение

Тековната верзија на Microsoft Dynamics NAV, NAV 2015 овозможува комплетна мобилност на вработените, поддржувајќи и обезбедувајќи исто корисничко искуство на вработените без разлика дали работат на таблет, лаптоп или на десктоп-компјутер.

Корисничкото искуство останува идентично без разлика дали вработените работат на таблет со Windows оперативен систем, Android или iOS/iPad. Сè што е потребно е интернет-врска преку која ќе се овозможи сигурна конекција со системот NAV 2015 поставен на облакот Microsoft, некој друг облак или на компаниските сервeри.

NAV 2015 им овозможува на вашите теренски работници сигурен пристап до сите потребни информации, зголемувајќи ја нивната продуктивност и продуктивноста на компанијата во целост.

Бизнис-интелигенција

Со помош на интеграцијата со Office 365 и со PowerBIза Office 365, се добива алатка за бизнис-интелигенција со помош на која се градат сите потребни извештаи за навремено следење на сите клучни перформансни индикатори од кое било место, во кое било време и од кој било уред преку сигурна врска со облакот или со компаниските сервери.

Одберете го сопствениот пат кон модерното

Менаџирањето на вашата компанија станува полесно кога вашиот календар, мејл и систем ЕРП работат заедно и интегрирано. Бизнис-апликациите Microsoft Dynamics им овозможуваат на компаниите целосна контрола над финансиите, залихите, операциите и се решенија кои се едноставни за имплементација, лесни за користење и доволно моќни да го поддржат идниот пораст на компаниите.

Со воведување на овие системи можете сами да го одредите патот кон модерното со решенија кои ги поддржуваат вашите бизнис-цели – зголемување на продажбата, зголемување на ефикасноста или намалување на ризикот од воведување мобилна работна сила.

Промената не мора да дојде со големи трошоци за тренинг и за адаптација на решенијата. Ова значи дека може да ја искористите технологијата за побргу да се приспособите на променливите бизнис-потреби и да реагирате побргу од конкуренцијата.