Обединето Кралство: „Алди“ со рекордна инвестиција во ширењето на продажната мрежа

„Алди“ во Велика Британија најавува рекордна инвестиција од 800 милиони фунти (928 милиони евра) во својата продажна мрежа. Минатата година, нето-продажбите на „Алди“ се зголемија на историски највисоко ниво од 16%, повеќе од двојно од стапката на инфлација на храната. Благодарение на зголемената ефикасност, добивката пред оданочување тројно се зголеми. Овој стратешки потег, меѓу другото, има за цел да ја зголеми предноста во однос на ривалот „Лидл.“

 Автор: Себастијан Ренак, меѓународен ритејл аналитичар

„Алди“ е подготвен да го забрза проширувањето својата продажна мрежа во Велика Британија. До крајот на годината „Алди“ планира да отвори 23 нови продавници во земјава. Во исто време, 100 од сегашните повеќе од 1.000 продавници на „Алди“ ќе бидат претворени во најновиот концепт на продавници. „Алди“ претходно ги објави плановите за проширување на своето работење на 1.500 продавници низ Велика Британија.

Според компанијата, нето-продажбите се зголемиле за 2,4 милијарди фунти на 17,9 милијарди фунти (20,8 милијарди евра) во последната финансиска година. Зголемувањето од 16 проценти е повеќе од двојно од стапката на инфлација на храната и безалкохолните пијалоци, која беше 7 проценти во истиот период, според Бирото за национална статистика. Минатогодишната добивка пред оданочување се зголеми повеќе од тројно на 537 милиони фунти (623 милиони евра) од 153 милиони фунти (177 милиони евра), што претставува маржа пред оданочување од 3,0%. Компанијата ја наведе ефикасноста во продавниците и основните тимови како главна причина за позитивните перформанси. Џилс Харли, извршен директор на „Алди“ за Велика Британија и Ирска, рече: За секоја една фунта од профитот што го направивме минатата година, инвестирамеоваа година две фунти - отвораме повеќе продавници и градиме инфраструктура за снабдување за да донесеме висококвалитетна, достапна храна на милиони луѓе. на Обединетото Кралство.

Со овој потег, „Алди“ има за цел да ја зголеми предноста во однос на големиот ривал „Лидл“. Според податоците на „Кантар Ворлдпрес“ за 2023 година, „Лидл“ забележа побрз раст на пазарниот удел од „Алди“. Во текот на годината, „Алди“ го зголеми својот удел од 9,1% на 9,3%, додека уделот на „Лидл“ се зголеми од 7,2% на 7,7%. „Лидл“ ги евидентира овие бројки исклучиво од постоечките продажни места. Како резултат на мерките за намалување на трошоците и генерално повнимателната политика за проширување низ групата, дисконтерот ја прошири својата мрежа на продавници во Велика Британија од само 962 на 964 на крајот на февруари.

Од почетокот на годината на „Алди“ се чини дека си ги врати своите пет минути. Додека податоците на „Кантар“ покажуваат дека „Лидл“ добил 0,4 процентни поени пазарен удел во периодот од јануари до август, „Алди“ добил 0,7 процентни поени на удел од 10,0%.

Во осум последователни месеци од годинава, британска организација на потрошувачи „Вич“ го прогласи „Алди“ за најевтиниот трговец со мешовита стока во Обединетото Кралство, споредено со  месечните потрошувачки кошници на шесте најголеми трговци на храна.

Себастијан Ренак е основач на „Алетос ритеил адвајсори“, меѓународен аналитичар и поранешен меѓународен дописник на Lebensmittel Zeitung (LZ), водечки економски неделник за FMCG–секторот.  Има големо практично искуство во индустријата како поранешен член на оперативните тимови на „Шварц груп“ и „Метро груп“ во Полска, Украина и Русија.

Фото: „Алди“ - ОК