„Нето“ презема 300 продавници на „Теско“

Синџирот „Нето“ (Salling Group) презема повеќе од 300 продавници на „Теско“ во Полска со цел да го удвои својот приход во таа земја. 

Од почетокот на јули 2019 година, „Нето“ ги преуредува продавниците во нов концепт наречен 3.0, кој, според компанијата, им дава посилно, „премиум“ чувство на купувачите во споредба со конкурентите „Лидл“ и „Биедронк“. Во комбинација со фактот дека „Нето“ на влезот во сите свои продавници има локална месарница, пекарница и слаткарница, овој синџир од аспект на купувачите влегува во сегмент кој не го пополнија ни најголемите „играчи“ на полскиот пазар. 

Предност му даваат и услужните каси, локалната (традиционална) ориентација и целта што си ја постави, да ги придобие младите купувачи и семејства.