„Алди“ и „Лидл“ продолжуваат со ширењето во Италија

Германскиот трговски синџир „Лидл“ сега има повеќе од 650 продажни објекти во Италија, додека „Алди“ наскоро ја отвора својата стота продавница.

Трговците „Лидл“ и „Алди“ продолжуваат со ширење на своите продажни мрежи во Италија. Имено, „Алди“ на овој пазар е присутен од 2018 гоина и покрај кризата предизвикана од пандемијата и повеќе од три месеци празни италијански улици, отвори продавници во Болцано, Местре, Роверето и во Леко. Го отвори и првиот објект во Новара, без присуство на луѓе.

„Лидл“ е во Италија подолго време, од 1992 година, и неговата продажна мрежа е поголема. Кон крајот на претходниот месец, поточно на 28 мај, трговецот отвори дв продавници, на езерото Гарда и во Анкона.