Маските се задолжителни во сите продавници во Германија

Во Германија употребата на заштитни маски во продавниците е задолжителна во сите покраини.

Од денес и Берлин, како последна покраина, почна со примената на оваа мерка за да го спречи проширувањето на корона вирусот. Како причина за наметнување на мерката, се наведува пред сè, заштитата на вработените во супермаркетите и во продавниците.

Од неделава маските за лице се задолжителни и во јавниот превоз на патници во сите 16 германски покраини. Според последните податоци, во Германија се потврдени повеќе од 162.000 случаи, заразени од корона вирусот, како и 6.467 починати.