Калории на етикетите на пивата

Две германски здруженија на пивари на своите членови им препорачаа да почнат на етикетите на пивата и на радлерите да ја печатат и калориската вредност.

Германското здружение на пивари и Здружението на приватни пивари изразиле очекување дека и другите индустрии, како што се винарниците и дестилериите, ќе го следат истиот пример, пренесува агенцијата „Асошиејтед прес“.

Доброволната мерка доаѓа по притисокот на Европската комисија да се подобри транспарентноста на прехранбената индустрија и да им се помогне на потрошувачите со поголема информираност.

Просечната калориска вредност за пилснерот е околу 40 калории на 100 милилитри, или околу 200 калории во шише од половина литар.