„Џајант фуд“ инвестира 175 милиони долари

„Ахолд Делез“ соопшти дека неговиот бренд на американскиот пазар „Џајант фуд“ ќе вложи 175 милиони долари за преуредување и унапредување на продавниците во Вирџинија, Делавер, Мериленд и во Вашингтон.

Проектот, кој ќе биде спроведен во следните две години, вклучува отворање нова продавница во местото Ферфакс во Вирџинија и реновирање на 24 други објекти.

Реновирањето на продавниците ќе вклучува и цвеќарници со целосна услуга, оддели за природна и за органска храна, барови со азиска храна и барови за свежо цедени сокови.