Канада: Млекото, алкохолот и кафето меѓу производите кои подлежат на зголемените царини

Канадскиот министер за финансии, Доминик Лебланк објави комплетна листа на американски производи кои ќе подлежат на зголемени царини од 25 проценти.

Канадската листа вклучува американски земјоделски производи, алкохол, облека, апарати за домаќинство, алати, огнено оружје и друго, пишува Си-Ен-Ен.

Производите опфатени со тарифите вклучуваат овошје и зеленчук, млечни производи како јогурт, млеко и сирење, кафе и чај, облека, вклучувајќи ракавици, шалови, чевли и костуми, алкохолни пијалоци како вино, вермут и пиво, тоалетна хартија, разни разни апарати за домаќинство како што се фрижидери и бојлери.

Канадскиот премиер Џастин Трудо претходно изјави дека земјата ќе воведе царини од 25 отсто за американските стоки што ги увезува, како одговор на тарифите од 25 отсто наметнати од САД стоки од Канада.  

Американскиот претседател Доналд Трамп одлучи да го одложи воведувањето тарифи за Мексико за еден месец по телефонскиот разговор со претседателката на таа земја Клаудија Шејнбаум Пардо. Набргу потоа, Трудо најави дека царините за Канада, исто така, ќе бидат одложени за најмалку еден месец, откако вети поголема соработка за заштита на границите. Најавените царини на Трамп за увоз на стоки од Кина треба да стапат на сила денеска.

Извор: Biznis.rs

Фото: Pexels