Велика Британија: Двесте компании ја поддржаа иницијатива за четиридневна работна недела

Британските медиуми пренесуваат дека двесте компании од Велика Британија ја потпишале иницијативата за воведување четиридневна работна недела за сите вработени, без намалување на платите.

Луѓето би имале 50 проценти повеќе слободно време и можност да водат посреќен и поисполнет живот, изјави Џо Рајл од фондацијата која се залага за воведување четиридневна работна недела.

Маркетиншки агенции, ИТ фирми и консултантски друштва, кои заедно вработуваат над 5.000 луѓе се дел од компаниите кои се согласиле за четиридневна работна недела.

Како што пренесува „Гардијан“, над  5.000 работници ќе имаат корист од намалените часови без губење на платата. Поддржувачите на оваа мерка истакнуваат дека петдневната работна недела е воведена пред 100 години во претходната економска ера и дека таа повеќе не служи за цел.

Извор: „Гардијан“

Фото: Pexels