Шкотска: „Алди“ инвестира во ширењето на продажната мрежа

„Алди“ најави дека планира да инвестира повеќе од 40 милиони фунти во проширување на својата мрежа во Шкотска во следните две години.

Во текот на следната година компанијата ќе отвори три нови продавници во Арброт, Баилиестон и во Киркинтилок.

Исто така, покрај нови продавници, „Алди“ во следните две години ќе прошири или реновира шест постоечки продавници. Планирано е проширување на продавницата Галашиелс, додека реновирање ќе има во Линлитгоу, Гленротс и Стирлинг, со дополнителни надградби во Хамилтон и Карлуке.

Компанијата ќе вработи и повеќе од 100 нови вработени, кои ќе се приклучат на тимот за логистика во регионалниот дистрибутивен центар во Батгејт.

Извонредно е да се погледне назад колку далеку сме стигнале од отворањето на нашата прва продавница во 1994 година. Многу сум задоволен што нашето присуство на шкотскиот пазар повторно беше препознаено и прославено оваа година со бројни награди кои ја потврдуваат нашата непоколеблива посветеност да обезбедиме локални производи, висококвалитетни шкотски производи по пристапни цени, изјави Сенди Мичел, регионален директор на „Алди“ за Шкотска.

Извор: InStore.rs

Фото: „Алди“