Франција: Сушата го намали производството на вино за 23%

Производството на вино во Франција годинава би можело да биде намалено за речиси една четвртина поради неповолните временски услови кои направија штета на лозовите насади.

Најмногу е погодена областа Шампањ, која е позната по познатото пенливо бело вино, соопшти француското министерство за земјоделство. Се очекува за 45 отсто помалку род во оваа област во споредба со минатата година и за 31 отсто според петгодишниот просек.

Според последниот извештај, овогодинешното производство на вино во Франција се проценува дека ќе падне на 36,9 милиони хектолитри, што е загуба во споредба со минатомесечната проценка од 37,5 милиони и пад од 23 отсто во однос на минатата, веќе скромна, берба, објавена е Ројтерс. Споредено со петгодишниот просек од 44,2 милиони хектолитри, се проценува дека падот ќе биде 17 проценти. Како што наведуваат, погодени се сите видови на вино, вклучително и вињакот.

Сушата, климатските промени и сето она што и носи проблеми на винската индустрија низ Европа и носи проблеми на Србија, чии винари и лозари сезонава се соочија со превремена берба на грозје, која ќе донесе бројни проблеми во производството на овој алкохолен пијалок.

Германските производители на вино неодамна предупредија дека очекуваат овогодинешната берба на грозје да биде најниска од 2017 година. Доцниот мраз, обилните врнежи, град и временските флуктуации предизвикаа големи разлики во количината на собрано грозје, во зависност од површината на одгледување и сортите грозје.

Извор: eKapija

Фото: Pexels