ЕУ: Расте бројот на компании кои прогласиле банкрот

Во Европската унија, бројот на компании кои прогласија банкрот во вториот квартал е зголемен за 3,1 отсто во однос на првиот квартал, додека бројот на нови регистрации на фирми во истиот период е намален за 2,1 отсто.

Ако се анализира состојбата по сектори, најголем квартален пораст на бројот на банкроти е забележан во градежништвото 3,8 отсто, финансиските дејности 2,6 отсто, трговијата 2,4 отсто и индустријата 1,6 отсто, објави „Еуростат“, а пренесе агенцијата „Миа“.

Спротивно на тоа, бројот на банкроти во Европската унија квартално се намалува во секторот за информации и комуникации за 4,8 отсто, транспорт за 1,6 отсто, угостителство за 1,1 отсто и образование и социјални дејности за еден отсто.

Надолен тренд на регистрации на нови компании во ЕУ е забележан во сите сектори.

Најголем квартален пад на регистрациите на нови компании има во трговијата и изнесува 4,7 отсто, потоа индустријата за 3,6 отсто и образованието и социјалните дејности за 3,4 отсто.

 Како што се наведува во извештајот на „Евростат“, најмал квартален пад на регистрациите од 0,7 отсто е забележан кај финансиските активности.

Извор: biznis.rs

Фото: Pexles