Германија: „Алди“ ја тестира услугата „Клик & Колект“

„Алди“ започна со тестирање на услугата за онлајн купување,  „Клик & Колект“, во две продавници во Милхајм  во една продавница во Диселдорф.  

Од 15.јули потрошувачите можат да порачаат производи по пат на платформата „Меин Алди“ и да ги преземат во една од овие три продавници.

Како што пренесува „Лебенсмител зајтунг“, оваа платформа не е новина, всушност „Алди суд“ веќе минатата година започнал со тестирање на оваа платформа во Милхајм, нудејќи им на потрошувачите достава на 1.300 производи.

Порачките кои се направени компанијата ги испорачува до потрошувачите со електрични комбиња.

„Алди суд“ најпрвин сакал овој проект да го покрене заедно со „Алди норд“, меѓутоа, „Алди норд“ е внимателен кога е овој проект во прашање. Сепак, постои можност сестринската компанија да се придружи на овој проект, доколку тој се покаже успешен.

Извор: RetailDetail

Фото: „Алди“