Велика Британија: „Рекит“ ги надмина очекувањата во првиот квартал

Компанијата објави продажба што ги надмина очекувањата на аналитичарите во првиот квартал, поттикната од продажбата на производите за чистење Lysol, Dettol и Finish.

Според компанијата, нето-продажбите во овој период се зголемија за 1,5%, надминувајќи ги очекувањата на аналитичарите за пораст од 0,9%.

Обемот на продажба падна за 0,5% во кварталот, што е под очекувањата на аналитичарите за пад на обемот од 3,2%.

Сепак, обемот на продажба во сегментот хигиена, најголемиот сегмент на компанијата, се зголеми во овој период за 2,9%.

Имавме добра прва четвртина. По период на пораст предводен од повисоки цени, сега се враќаме на побалансиран придонес на цените и обемот. Го зголемивме обемот на продажба за многу од нашите моќни брендови овој квартал, вклучувајќи ги Lysol, Dettol, Durex и Finish, рече Крис Лихт, извршен директор на компанијата.

Од компанијата нагласуваат дека се на добар пат да ги исполнат годишните цели во поглед на приходите и профитот, како и да достигнат средно едноцифрен пораст во сегментот здравје и хигиена.