САД: Брз пораст на производниот сектор

Според два извештаи кои беа објавени во понеделникот, во моментов американскиот производен сектор е во најдобра состојба споредено со 2022 година.

Институтот за управување со набавки (ИСМ) соопшти дека производството во март започнало да бележи пораст за прв пат од септември  2022 година.  

„С&П глобал“ објави дека производството во март го достигнало највисокото ниво во последните 22 месеци, што е уште еден показател за силниот економски раст во САД, пренесува „Сибиз“.

Според индексот на ИСМ,  индекс на менаџерите за набавка (пми)  бил 50,3 поени во март, што е пораст во однос на февруари кога бил 47,8 поени. Оваа вредност е над очекувањата на економистите, кои предвидувале 48,4 поени.

 Главниот економист во „С&П глобал маркет интелиџнес“, Крис Вилијамсон, изјавил дека овој извештај покажува дека и понатаму се подобруваат работните услови во март што укажува на тоа дека американската економија во првиот квартал многу брзо се опоравува.

Извор: biznis.rs

Фото: Pexels