Виетнам: „Пепсико“ инвестира 400 милиони долари во две нови фабрики

„Ројтерс“, пренесува дека „Пепсико“ ги најави плановите за инвестирање на 400 милиони долари во изградбата на две нови фабрики во Виетнам.

Првата фабрика чија вредност е над 300 милиони долари ќе биде насочена кон производство на пијалаци и ќе биде изградена во виетнамската провинција Лонг Ан.

Втората фабрика ќе биде изградена во северната провинција Ха Нам, таа ќе биде за преработка за храна и нејзината вредност се проценува на 90 милиони долари.

Новите фабрики ќе користат енергија од обновливи извори.

Како пренесува „Ројтерс“, сѐ уште не е познато кога фабриките ќе започнат со работа. „Пепсико“ ги најави плановите за започнување на фабриката во Ха Нам во третиот квартал од 2025 година.

Извор: „ФудБев“

Фото: „Пепсико“