„Крафт Хајнц“ ја зголеми годишната прогноза

„Крафт Хајнц“ ја зголеми својата прогноза за годишен пораст на органската продажба и ги надмина кварталните проценки, помогнати од повисоките цени за пакуваните оброци и зачини на производителот на кечап Heinz.

Нарушувањата на глобалниот синџир на снабдување предизвикани од пандемијата и зголемените трошоци за суровини го принудија „Крафт Хајнц“, како и другите производители на пакувана храна, да ги зголемат цените.

Компанијата соопшти дека клучните мерења за нејзиниот обем на продажба се намалени за 2,3 процентни поени во вториот квартал. Причините се забавување на побарувачката поради зголемувањето на цените и ограничувања во понудата.

Сепак, производителот предвиде дека органскиот приход во 2022 година ќе се зголеми за висок едноцифрен процент, во споредба со неговите претходни изгледи за средно едноцифрен процентуален пораст.