„Кока кола“ отвори продавница за висока мода во Лондон

„Кока кола“ ги отвори вратите на својата прва продавница за висока улична мода во лондонски „Ковент гарден“.  Ова е прва продавница за облека на брендот во Европа и нуди гардероба под брендот Coca - Cola, во ограничено издание и резултат на ексклузивна соработка со дизајнери.  

Продавницата работи од вчера и нуди од улична до работна гардероба, како и одржлива облека и модни додатоци направени од рециклирани шишиња Coca - Colа. Во продавницата се нуди и ексклузивна колекција дизјнирана во соработка со тексас брендот Lee, вклучувајќи тексас - јакни, комбинизони и фармерки. 

„Кока кола“ веќе има слични објекти во САД - во Орландо, лас Вегас и во Атланта. 

Оваа продавница е можност и на нашите фанови во Европа да им понудиме врвна лепеза од мода и колекционерски предмети, како и уникатни начини да ги искусат нашите пијалаци. Низ колекцијата производи направени од рециклирачки материјали, имаме одлична можност да ги споделиме со луѓето нашите обврски во поглед на одржливоста и да ги поведеме со себе во свет без отпад, соопштија од „Кока кола“.