„Алди зид“ ја додаде опцијата Alipay

Малопродажниот синџир „Алди зид“ ја додаде опцијата за плаќање преку мобилен телефон Alipay, покрај веќе постојните опции Apple Pay, Google Pay и Sodexo Benefits Pass.

Со овој потег трговецот има цел да го олесни купувањето за потрошувачите, што вклучува брза и лесна обработка на трансакциите. Со повеќе од милијарда корисници, Alipay е една од водечките платформи за плаќање, овозможувајќи им на корисниците да управуваат со речиси сите видови трансакции – од плаќање сметки за електрична енергија до нарачка на прехранбени производи.

Воведувањето на Alipay ќе им ја овозможи позната опција за плаќање на кинеските туристи и на кинеските државјани што живеат во Германија. Услов за користењето на платформата е корисниците да имаат сметка на Alipay, која може да се креира со кинеска банкарска сметка или меѓународна банкарска картичка. Плаќањата се обработуваат со активација на EC-терминалот на касата и со скенирање на QR-кодот со помош на паметниот телефон на корисникот.