„Лореал“ после 15 години го менува извршниот директор

Одборот на директори на компанијата „Л’Ореал“ донесе одлука според која, по 15 години на позицијата извршен директор, Жан-Пол Агон треба да замине и на негово место го назначи Николо Лјеронимус. 

Одлуката стапува на сила на 1 мај 2021 година. 

Причината е што Статутот на компанијата не предвидува никакви исклучоци во поглед на законската старосна граница за заминување во пензија, која е 65 години, па Жан-Пол Агон е приморан да ја препушти функцијата најдоцна до јули 2021 година. 

Лјеронимус му се придружи на  „Л’Ореал“ пред 33 години и целата кариера ја помина во компанијата, стекнувајќи искуство на бројни пазари.