Хрватска: „Лидл“ воведува електронски цени

Порталот „тПортал“ пренесува дека „Лидл“ вовел електронски цени во сите свои маркети низ Хрватска.

Од компанијата истакнуваат дека со електронските цени ќе овозможат брза и прецизна  промена на цените, како и ново ниво на интеракција со купувачите.

Овие електронски ознаки не ги заменуваат само цените, туку и останатите визуелни информации за купувачите, што е уште еден чекoр кон поголема дигитализација на нашите продавници, соопштуваат од компанијата.  

 Од неодамна компанијата воведе електронски цени и во Словенија, каде што очекуваат годишно да заштедат над 20 тони хартија и во Србија каде што годишно се очекува да заштедат 21 тон хартија.

Ваквата иницијатива „Лидл“ ја покрена и во други држави како што е Португалија, каде што до крајот на 2024 година ќе воведе дигитални цени во сите свои продавници, а компанијата ќе инвестира над 50 милиони евра во дигитализацијата на цените во 650 свои продавници низ Шпанија.

Извор: InStore.rs

Фото: „Лидл“