„Волмарт“ воведува роботи за пакување нарачки

Американскиот трговец „Волмарт“ тестира роботска програма за селектирање и пакување на нарачките, потег што може да ја револуционизира е-трговијата со прехранбени производи.

Машината, која е дел од системот Alphabot, функционира во објект од 20.000 квадратни метри, кој е изграден во хипермаркетот на „Волмарт“ во Њу Хемпшир. Годинава трговецот планира да изгради слични погони во продавниците во Мустанг (Оклахома) и во Бербенк (Калифорнија).

Според проценките, автоматизираниот систем Alphabot ќе ги селектира и пакува нарачките дури 10 пати побрзо од луѓето. Тоа на „Волмарт“ ќе му овозможи брзо проширување на капацитетите за нарачка поради растечката побарувачка за онлајн-купување на прехранбени производи.