Специјално пиво по повод средбата Трамп-Путин

Финската пиварница „РПС брувинг" произведе ограничена линија пиво специјално пред вчерашниот состанок на рускиот претседател Владимир Путин и американскиот Доналд Трамп во Хелсинки.

На етикетата на пивото, на која се илустрирани портретите на двајцата претседатели како гледаат еден кон друг играјќи ја играта „Лист, камен, ножици", пишува „Да се договориме како возрасни".

Бевме возбудени што Трамп и Путин решиле да се сретнат во Хелсинки. Верувајте ни, никој не знае подобро од нас како се решаваат проблеми. Знаеме дека тие треба да донесат тешки одлуки и да решат големи разлики, но секогаш можат да го направат тоа како возрасни луѓе, изјави Самули Хухтанен, извршен директор на пиварницата.

Пивото било пуштено во ограничено количество од 10.000 шишиња по малопродажна цена од 3,49 евра. И покрај големиот интерес, производителот најави дека нема да лансира дополнителни количества.

Претседателите на Русија и на САД се сретнаа на 16 јули во Хелсинки и разговарале за перспективите на понатамошниот развој на односите меѓу двете земји и за актуелни меѓународни прашања.