САД: „Волмарт“ оствари пораст на приходите

„Волмарт“  објави дека оствари консолидиран раст на приходите од 5,3% до 180,6 милијарди долари во четвртиот квартал, како и раст од 5,6% до 681 милијарди долари во фискална 2025 година.

Бруто маржата на трговецот на мало се зголеми за 53 базични поени на 23,9% во четвртиот квартал, предводена од растот на „Волмарт УС“, додека за 40 базични поени  се зголеми на годишно ниво на 24,1%.

Пријавените оперативни приходи се зголемија за 8,3% во кварталот благодарение на повисоките бруто маржи и растот на приходите од членството, додека за целата фискална 2025 година се зголемија за 2,3 милијарди долари, или 8,6%, на 29,3 милијарди долари.

Прилагодената добивка по акција на компанијата во четвртиот квартал изнесуваше 0,66 долари, што е за 10% повеќе од истиот период претходната година, додека во 2025 година беа 2,51 долари, што претставува годишен раст од 13,1%.

Компанијата, исто така, го заврши купувањето на Vizio во четвртиот квартал за 11,50 долари по акција, или околу 2,3 милијарди долари.

Нашиот тим ја заврши годината со силни резултати во уште еден квартал. Имаме динамика благодарение на нашите ниски цени, растечкиот асортиман и работењето со е-трговија што доведува до побрзи испораки. Стекнуваме удел на пазарот, приходите ни се здрави, а залихите ни се во одлична состојба. Ќе продолжиме да се фокусираме на растот, подобрување на оперативните маржи и зајакнување на повратот на инвестициите додека инвестираме во уште подобра услуга за нашите купувачи и членови, изјави Даг МекМилон, претседател и извршен директор на „Волмарт“.

Извор/Фото: InStore.rs