Обединето Кралство: „Теско“ нуди бесплатни проверки на крвниот притисок

Компанијатa „Теско“, во партнерство со Британската фондација за срце, во своите аптеки ќе им понуди на потрошувачите бесплатни проверки на крвниот притисок.

Оваа иницијатива доаѓа откако новото истражување покажа дека многу Британци не се сигурни кога треба да почнат да го проверуваат крвниот притисок. Речиси една третина (33%) од испитаниците веруваат дека треба да почнат да го контролираат крвниот притисок на возраст од 30-49 години, 15% мислат дека треба да почнат да го контролираат на возраст од 50-69 години, додека само еден од пет испитаници верува дека треба да започне на возраст од 18-21 година.

Дополнително, повеќе од една третина од испитаниците (34%) не се сигурни колкав треба да биде нормалниот крвен притисок, а овој процент е уште поголем (40%) кај испитаниците над 55 години.

Британската фондација за срце проценува дека до пет милиони луѓе би можеле да живеат со недијагностициран висок крвен притисок во ОК, а „НХС“ проценува дека проверките на крвниот притисок во локалните аптеки би можеле да спречат повеќе од 5.000 срцеви и повеќе од 8.000 мозочни удари во период од пет години.

„Теско“, охрабрен од овие податоци, ќе продолжи да им нуди на потрошувачите бесплатни проверки на крвниот притисок оваа година во сите аптеки на „Теско“ низ Велика Британија.

Знаеме колку е важно луѓето да го проверуваат својот крвен притисок, а оваа анкета покажува дека многу луѓе не сфаќаат колку е удобна и брза бесплатна проверката како таа  во аптеките на „Теско“, без потреба од закажување. Воодушевен сум што повторно ќе работам со Британската фондација за срце за да ја истакнеме важноста на проверките и се надеваме дека ќе придонесеме за спречување на срцеви и мозочни удари, изјави Џонатан Бриџит, менаџер за фармацевтски услуги во „Теско“.

Извор: InStore.rs

Фото: „Теско“