САД: „Марс“ со нова инвестиција за намалување на емисиите на гасови

„Марс“ започнува нова програма во соработка со „Фонтера“, еден од најголемите светски добавувачи на млеко, со цел да ги намали емисиите  на гасови на фармите за млеко.

Програмата „Фармер форвард“, поддржана со петгодишна инвестиција од 27 милиони американски долари, има за цел да ги поттикне млечните фармери да усвојат климатски паметни земјоделски практики.

Земјоделците се првата линија во  борбата за климатско паметно земјоделство, поради што ги ставаме во центарот на вниманието преку започнувањето на програмата „Фармер форвард“. Преку оваа иницијатива, инвестираме околу 27 милиони американски долари во фармите „Фонтера“ во следните пет години, обезбедувајќи клучна финансиска поддршка и значително намалување на емисиите, што е победничка за сите, бидејќи знаеме дека поодржливата млечна индустрија бара вистински напор и вистински инвестиции, изјави Аманда Дејвис, директор за истражување и развој, извори и одржливост во „Марс снекинг“.

Околу половина од инвестицијата ќе биде наменета за финансирање алатки и технологија на фармата за околу 2.000 фармери од „Фонтера“. Останатите средства ќе бидат распределени меѓу околу 165 земјоделци годишно кои постигнуваат најголем напредок во исполнувањето на целите за одржливост, во износи до 15.000 американски долари по земјоделец годишно во просек. Програмата опфаќа 26.000 хектари земјоделско земјиште.

Преку партнерството, „Марс“ планира да заштеди 150.000 метрички тони емисии од „опсегот 3“ од млечната индустрија до 2030 година. Оваа иницијатива е во согласност со целта на „Марс“ да ги намали емисиите на стакленички гасови за 50% до 2030 година, во споредба со основната линија од 2015 година.

Извор: InStore.rs

Фото: Pexels