Унгарија: „Теско“ отвори нов логистички центар

Трговскиот синџир „Теско“ во соработка со компанијата „ЦТР“ отвори нов логистички центар со цел да се интегрираат сите логистички операции во земјата на една локација.

Логистичкиот центар, кој се простира на површина од 100.000 метри квадратни, се наоѓа на парцела од 60 хектари, ќе ја зголеми ефикасноста и ќе ги намали емисиите на CO2 во синџирот на снабдување на компанијата.

Објектот се напојува со обновлива енергија, со користење на 8.620 соларни панели со вкупна моќност од 3,75 MW. Центарот доби енергетски рејтинг „А“ и се очекува да го добие сертификатот BREEAM до крајот на 2024 година.

Според проценката на компанијата, обединетиот логистички центар ќе ги намали годишните емисии на CO2 поврзани со транспортот за 830 тони.

Многу сме задоволни што го отворивме нашиот нов домашен логистички центар. Ова е голема пресвртница во историјата на „Теско“ во Унгарија. Малопродажниот сектор претрпе значителна трансформација во последниве години, при што услугите за испорака до дома, иновациите и одржливоста стануваат сè поважни. Со овој еколошки  логистички центар, опремен со најсовремени технологии, подобро сме подготвени да ги исполниме новите барања додека се движиме кон јаглеродна неутралност до 2035 година. „ЦТП“ се покажа како одличен партнер, обезбедувајќи супериорни решенија кои ја поддржуваат нашата позиција како лидер на унгарскиот малопродажен пазар, изјави Золт Палинкаш, извршен директор на „Теско“ - Унгарија.

Центарот се очекува да ги снабдува сите продавници низ Унгарија од март 2025 година.

Извор: InStore.rs

Фото: ЦТП