Повеќе од 1.000 вработени во „Амазон“ најавија штрајк

Повеќе од 1.000 работници на „Амазон“ од два логистички центри во Англија ќе штрајкуваат на почетокот на август, соопшти британскиот синдикат. 

Причината за штрајкот е несогласување околу платите, пренесе „Ројтерс“.

Овој работнички протест ќе се прошири. Јасно е дека битката за правата на работниците во „Амазон“ само што почнува, рече претставничката на синдикатот, Рејчел Фаган.

Работниците на „Амазон“ во градот Ругели ќе протестираат на 3 и 4 август, а вработените во логистичкиот центар во Ковентри на 4 и 5 август. 

Обединетото Кралство оваа година се соочува со серија штрајкови, при што неодамна протестираа и лекарите специјалисти и помладите лекари.