Barbie куклите добија и своја лимонада

Во јули треба да излезе новиот филм на популарниот бренд кукли Barbie. За таа цел, беше лансирана розева лимонада, која визуелно целосно соодествува со имиџот на брендот. 

Розовата лимонада на Barbie е создадена во соработка со компанијата за пијалаци „Свон“. Амбалажата на лименката има впечатлива и топла розова нијанса, со тоа што логото на брендот се наоѓа во рамки на бело поле на чие дно има илустрација на лимони и јагоди.

Розовата лимонада на Barbie ќе се продава онлајн и во неколку избрани маркети на американскиот пазар. Притоа, 10 отсто од вкупните нето приходи ќе одат за проектот “Барби дрим гап“ кој има за цел да обезбеди ресурси, наставна програма и развој на вештини за девојчиња помеѓу пет и десет години ширум светот.