Отворена најмалата продавница на „Лидл“ во светот

„Лидл“ во данска постави неофицијален светски рекорд - отвори продавница од само 1,5 квадратни метри, со што ова е најмалата продавница во цел свет. 

Горди сме што Данска е земјата која постави светски рекорд за најмала и најбрзо изградена продавница. Од идејата до реализација поминаа само 3,5 месеци. Бидејќи ние во Данска генерално брзо градиме, импресивно е тоа што го направивме со продавницата во Леголенд, соопштија од „Лидл“ - Данска. 

Пролетва „Лидл“ потпиша договор за спонзорство со „Леголенд“ кое ќе трае до 2023 година. За изградбата на продавницата се употребени 30.000 лего - коцки. Лоцирана е во средината на Леголенд во забавен парк во Билунд. Се состои од продавница, два камиони, автомобили, дел за колички и среќни купувачи во “Лидл“. 

Кога семејство стои и ужива во преубавиот поглед на нашата мини продавница, го потсетуваме дека на пат до дома може да помине во една од нашите големи „Лидл“ продавници каде секогаш може да најде се што му треба по поволни цени, соопшти трговецот.