ДЗС: Во април поскапеа зеленчукот, овошјето, лебот, маслото...

Според податоците на Државниот завод за статистика, објавени вчера, индексот на трошоците на животот во април 2020 година, во однос на претходниот месец изнесува 100.1, а индексот на цените на мало изнесува 99.5.

Пораст на индексите на трошоците на животот во април 2020 година, во споредба со претходниот месец, е забележан кај свежиот и разладениот зеленчук освен компирот и другите коренести плодови за 9.1 %, свежото и разладеното овошје за 9.0 %, рибата и морските плодови за 1.2 %, сувото овошје и јаткастите производи за 0.9 %, јајцата, прехранбените производи неспоменати на друго место, виното за 0.8 %, пивото за 0.6 %, сирењето и урдата, маслото и маснотиите за 0.5 %, лебот и житата за 0.4 %, шеќерот, џемот, медот, чоколадата и кондиторските производи, жестоките пијалаци за 0.3 % и јогуртот за 0.2 %.

Намалување на индексите на трошоците на животот во април 2020 година, во споредба со претходниот месец, е забележано кај газираните пијалаци за 0.3 % и помалку масното млеко за 0.2 %.

Индексот на трошоците на животот во април 2020 година, во однос на април 2019 година, бележи намалување од 0.1 %, а индексот на цените на мало бележи намалување од 1.3 %.