Според новите мерки за ограничување на движењето што почнуваат од 16 часот денеска, сите маркети на „Тинекс“ ќе работат со ново работно време од 7 часот до 15 часот од понеделник до петок, освен интернет продавница која ќе биде отворена секој ден со термини од 08.30 часот до 21.30 часот.
Со цел да помогнеме на што поголем број на потрошувачи да се снабдат со потребните производи и покрај зајакнатите мерки за ограничување на движењето, го прошируваме системот за достава на нарачки и ќе воведеме дополнителни опции за испораката на производи во уште девет градови низ Македонија, покрај достава во Скопје и Куманово, како Битола, Струга, Охрид, Кавадарци, Тетово, Прилеп, Штип, Кочани и Струмица, информираа од компанијата за InStore.
Дополнително, во шест поголеми супермаркети во Скопје ќе биде воведена опција за “order&collect” која им овозможува на потрошувачите да направат нарачка преку интернет продавницата на „Тинекс“ и истата самите да ја подигнат во некој од назначените маркети.
Се вчитува следна вест...