Новo од „Тиквеш“ – шприцер во лименка

Винарската визба „Тиквеш“ лансираше нов производ на пазарот, шприцер во лименка. Сржта на новиот производ е популарното бело вино „Смедеревка“, во комбинација и сооднос кој традиционално се користи при подготовка на шприцер.

Во креирањето на овој нов производ се раководевме од нашата стратешка цел – следејќи ги пазарните трендови, постојано да нудиме иновативни производи со кои ќе ги задоволиме очекувања на потрошувачите, поместувајќи ги притоа стандардите во индустријата и потрошувачката на вино во земјата, изјави Радош Вукиќевиќ. генерален директор на „Тиквеш“. 

Новиот освежителен пијалак содржи 5% алкохол и се препорачува да се консумира разладен. Спакуван е во лименки од 330 мл, што му дава дополнителна практичност.