Македонија

ДЗС: Просечната нето плата во септември изнесувала 27.405 денари

20 ное 2020

Просечната нето плата во септември 2020 година во земјава изнесувала 27.405 денари, покажуваат податоците на Државниот завод за статистика. Индексот на просечната нето исплатена месечна плата во септември годинава, во однос на септември 2019 година, изнесува 107.7, односно просечната нето плата е повисока за 7,7 отсто.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: уметност, забава и рекреација за 10,6 отсто, во преработувачка индустрија за 10,2 отсто и во дејностите на здравствена и социјална заштита за 10 отсто.

Намалување, пак, на просечната месечна исплатена нето-плата, во однос на август 2020 година, е забележано во секторите: земјоделство, шумарство и рибарство (7,1 отсто), уметност, забава и рекреација (6,4 отсто) и трговија на големо и трговија на мало; поправка на моторни возила и мотоцикли (3,2 отсто).

Притоа, според податоците на ДЗС, највисоката просечна нето плата во септември годинава е исплатена во секторот-информации и комуникации (49.713 денари) и таа е за 9,9 отсто повисока од исплатената просечна плата во истиот месец лани, а најниската просечна плата е пресметана во секторот-објекти за сместување и сервисни дејности со храна (18.345 денари) и таа е за 1 отсто пониска од онаа исплатена во септември месец минатата година.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



dm донира респиратори во вредност од 36.600 евра

20 ное 2020

Исплатени околу 15 милиони евра помош за октомвриските плати на над 58.000 вработени

20 ное 2020

Азески: Клучниот момент ќе биде кога државната помош полека ќе спласнува

20 ное 2020

Стопанска комора предложи итни мерки за пост-ковид развој на земјоделството

20 ное 2020

Ново XL Бриош пакување од „Жито Лукс“

20 ное 2020

Почна повратот на ДДВ за граѓаните за третото тримесечје

20 ное 2020
Вчитува уште новости...