Брајан Шароф, претседател на Асоцијацијата на производители на приватни трговски марки (ПЛМА), по кратко боледување почина во саботата (23 мај), на 77-годишна возраст.
Шароф беше именуван за претседател на ПЛМА во 1981 година, набргу откако асоцијацијата беше основана. За време на неговиот мандат, асоцијацијата се прошири од седиштето во Њујорк и беа основани меѓународни канцеларии во Амстердам и во Шангај. Во тој период е проширен и бројот на членките – од 200 компании во САД на повеќе од 4.500 производители, доставувачи и трговски посредници низ целиот свет.
Денес е тажен ден за целото семејство на ПЛМА. Благодарение на огромниот фокус и посветеност на Брајан Шароф, ПЛМА порасна толку многу, што стана витален и суштински ресурс за доставувачите и за малопродажните трговците низ целиот свет. На сите ќе ни недостасува раководството на Брајан, рече Лиза Манзолин, директор за продажба во „Релнолдс консумер продуктс“ и претседател на Управниот одбор на ПЛМА.
Годишниот саем, организиран од ПЛМА, наречен „World of Private Label“ (Светот на приватните трговски марки), традиционално се одржува во мај во Амстердам и ги претставува производителите од речиси 75 земји. Оваа изложба привлекува трговци од сите делови на Европа, Азија, Африка и Блискиот Исток. Годинава, поради коронавирусот, саемот се одложи за 2 и 3 декември. Саемот пак што се организира секој ноември во Чикаго, е најголемиот собир од овој тип во САД.
Покрај саемските изложби, ПЛМА организира и бројни конференции и едукативни програми во текот на целата година, на кои презентира ексклузивни истражувања и студии.
In Memoriam
InStore има долгогодишна соработка со асоцијацијата ПЛМА и со години го посетува саемот во Амстердам. Имавме задоволство да соработуваме со Брајан Шароф, а минатата година објавивме и интервју со него, кое можете да го прочитате овде.
@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.