Вирусот корона ќе ги чини трговците 3,8 милијарди евра

Проблемите со испораката настанати поради проширувањето на вирусот корона би можеле да ги чинат европските трговци вкупно 3,8 милијарди евра, покажува студијата на британската логистичка компанија „Зенкарго“.

Од компанијата наведуваат дека како резултат на проширувањето на вирусот корона, од 9 март до 20 април само германските трговци ќе изгубат 848,4 милиони евра од очекуваните приходи, француските околу 520 милиони евра, а британските би можеле да се соочат со загуба од 295 милиони евра.

Трите сегменти што се очекува да имаат најголеми загуби се: електронските уреди, текстилот и мебелот.