Здружението на производители на трговски марки (ПЛМА) го најави ПЛМА Глобал, саемот на приватни трговски марки кој ќе ги спои излагачите и купувачите на саеми во Амстердам и во Чикаго.
Настанот ќе се одржи онлајн, од 28 до 31 март 2022 година.
Единствена платформа ќе овозможи закажување термини и директна, сигурна видео врска меѓу производителите и купувачите на приватни трговски марки ширум светот. ПЛМА Глобал ќе понуди разговори и состаноци во реално време, со функции како што се видео повици „еден на еден“ или групни видео повици, демонстрација на производи, размена на пораки и уште многу начини на директна комуникација меѓу посетителите на саемот.
Купувачите и излагачите ќе можат да се состануваат онлајн 24/7 во сите денови на настанот. Исто така, излагачите добиваат една цела интернет страница на платформата како би ги истакнале своите производи, своите иновации и својата компанија.
@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.