Повеќе од 4.000 компании од 91 земја се пријавија за учество на овогодинешниот саем АНУГА 2021, водечки светски саем за храна и пијалаци. Се очекуваат уште пријави, соопштија организаторите.
Саемот ќе се одржи од 9 до 13 октомври и ќе има комбиниран концепт на физичко присуство и можност за онлајн следење. Излагачите кои ќе се одлучат за физичко присуство, ќе мора да ги почитуваат сите мерки предвидени за спречување на Ковид-19. Мотото на саемот е „Трансформ“ и ќе се занимава главно со теми кои се однесуваат на одржливост и на заштита на животната средина.
Најмногу излагачи се пријавени од Белгија, Германија, Франција, Грција, Италија, Холандија, Полска, Шпанија, Турција и САД.
@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.