Македонија

(ФОТО) InStore ги посети македонските компании на саемот „Ануга“

07 окт 2019

Тимот на магазинот InStore присуствува на саемот на прехранбена индустрија „Ануга“ 2019 кој се  одржува во Келн, Германија, од 5 до 9 октомври.

Овој саем го претставува сето она што е важно за меѓународната трговска публика. Опфаќа изложби, информативни случувања и конгресна програма и ги претставува трендовите и иновациите во прехранбената индустрија.

Од Македонија, на саемот се присутни 24 компании. Од нив, 10 самостојно изложуваат свои производи. Тоа се „Кадино индустри“, „Лион“, „Макпрогрес“, „Макс фудс“, „Мамас фуд“, „Рудине ММ“, „Виа пром“, „Витаминка“, „Вивакс“ и „Вори Јорданка“.

Останатите 14 компании изложуваат на штанд огранизиран од Министерството за земјоделство, шумарство и водостопанство. Тоа се компаниите „Аграр ко“, „КИМ“, „Бакалски промет“, „Бест фуд“, „Кривогаштани промет“, „Бонум“, „Ксенос“, „Дентина“, „Јаболчело“, „Техноалат комерц“, „Випро“, „Екстра фунги“, „Дип фроузен“ и „Фруктана“.

Од земјите од регионот, од Србија учествуваат 37 компании, Хрватска 19, од Словенија 16 и од Босна и Херцеговина има 11 компании.

Претходниот саем, кој се одржа во 2017 година (саемот „Сиал“ во Париз и „Ануга“ во Келн наизменично се одржуваат), забележа навистини импресивни податоци и зголемен број изложувачи и посетители. Саемот собра 7.405 компании од 107 земји од светот, а изложувачите имаа можност своите производи да ги претстават во 11 хали распослани на површина од 284.000 квадратни метри. На овој саем изложуваа 22 компании од Македонија, 28 од Србија, 16 од Хрватска, 14 од Словенија и 8 од Босна и Херцеговина.

 




Слична содржина

@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 



Објавен повикот за технолошки развој за брзо приспособување

27 мај 2020

„Баерсдорф“ донира на национални здруженија во Македонија

27 мај 2020

ЕБОР со бесплатни онлајн-обуки за мали бизниси

27 мај 2020

Трговците со посебни рафтови „Купувам домашно“ за потрошувачите со платежни картички

27 мај 2020

МОТ и ЕБОР: За сериозниот удар на пандемијата потребна е голема државна интервенција

27 мај 2020

Од денес на кафе по протокол и на дистанца

27 мај 2020
Вчитува уште новости...