Македонија

Нов маркет „Рамстор“ во Стар Аеродром

11 мар 2019

На Денот на жената – 8 март, компанијата „Рамстор“ – Македонија отвори нов маркет, лоциран на улицата Фрањо Клуз, бр. 6 во Стар Аеродром.

Модерно дизајнираниот маркет „Рамстор“, кој е 27. на малопродажниот трговец во земјава, се простира на продажна површина од 650 м2 и располага со дополнителен магацински простор од 160 м2. За услугата се грижи тим од вкупно 20 вработени, а потрошувачите имаат на располагање 4 наплатни каси. Пред објектот е обезбеден паркинг-простор за 20 возила.

Во новоотворениот маркет на потрошувачите во секое време ќе им бидат понудени свежо овошје и зеленчук, свежо месо, готови јадења, топол леб и вкусни пекарски производи, како и повеќе од 10.000 други производи, се наведува во соопштението на компанијата. Маркетот ќе работи седум дена во неделата, од 8 до 22 часот.

Отварањето на новиот маркет беше обележано со голем број промоции, дегустации, продажни акции, подароци и гратис производи, а потрошувачите ја искористија и својата клуб-картичка „Рамстор“ за дополнителни бенифиции при купувањето.

Со новиот маркет во Стар Аеродром, синџирот „Рамсторе“ – Македонија достигна до вкупно 27 маркети во 7 града во земјава, кои се простираат на вкупна површина од 23.250 м2. Вкупниот број на вработени во компанијата изнесува 750.

Иако е дел од интернационалната мрежа присутна во повеќе држави под закрила на мајката-фирма „Мигрос“, најголемиот синџир супермаркети во Турција, „Рамстор“ работи со стратегија да соработува со локалните увозници, производители и дистрибутери, со што активно учествува во поттикнување на македонската економија.




Слична содржина

@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 



Кредити до 500.000 евра за извоз и преработка на земјоделски производи

22 мај 2020

Нема полициски час од денеска

22 мај 2020

„Филип Морис ТКП“ го лансираше IQOS во земјава

22 мај 2020

Комората на сметководители обезбеди дигитален пулт за превенција од Ковид-19

22 мај 2020

Денеска се очекува одлуката за угостителите

22 мај 2020

Со маски во маркетите до крајот на 2020 година

22 мај 2020
Вчитува уште новости...