Одржани

Лидер – свој на своето

14 фев 2018

На 15 и 16 март, во организација на магазинот InStore, ќе се одржи дводневната работилница „Лидер – свој на своето", наменета за HR менаџери, менаџери, лидери на помали и поголеми тимови, како и за лидери со богато искуство. 

Работилницата со уникатна и модерна методологија за развој на врвни лидери, ќе ја водат Тијана Дониќ Ковачевиќ и Станислава Несторовиќ.

ЦЕЛ НА РАБОТИЛНИЦАТА

  • Ќе научите како да ги воочувате и да ги промените работите што се случуваат во вашите тимови, а на прв поглед не се видливи;
  • Ќе работите на развој на својот „mindfulness" – ќе научите брзи и ефикасни техники што ќе ви помогнат во фокусирање и елиминација на стресот;
  • Ќе ги совладате неопходните комуникациски техники за успешно лидерство;
  • Ќе ги откриете убедувањата што парализираат и што ја забавуваат тимската работа и ќе направите план за нивна елиминација;
  • Ќе создадете вистинска хемија во вашите тимови – примена на невронауките во лидерството;
  • Вистинска можност да се вмрежите и да разменувате искуства со колегите од други компании во интерактивно и опуштено опкружување.

ЛИДЕР – СВОЈ НА СВОЕТО

ДЕН 1: Јас – освестен лидер

Дали се посветува внимание на емоциите на лидерот? Има ли место за нив во организациската шема? Ако нема, каде се „сместуваат" и како влијаат на резултатите?

  • Организациско фенг шуи – откривање на „идеалниот" распоред на видливото и скриеното во тимот и во компанијата;
  • Со проективна техника на цртање до откривање на нашиот лидерски идентитет и вистинските улоги што ги носиме како лидер;
  • Mindfulness во лидерството – практични техники за канцелариска употреба;
  • Работа на елиминација на личните блокирачки убедувања – ТОП практики како да го победиме нашиот „внатрешен судија".

ДЕН 2: Јас, лидерот, со својот тим на „ти"

Што е со емоциите на членовите на тимот? Дали се тие важни? Ако не се, што е тоа што понекогаш ги кочи резултатите, а апсолутно сè сме направиле како што треба?

  • Невронаука во тимови – како мозокот влијае на тимската работа и како да го искористиме тоа;
  • Како да се разберат одбранбените тимски однесувања и активно да се дејствува на нив;
  • Како да го откриеме невидливото и деструктивното и да го поттикнеме видливото и конструктивното во тимската динамика;
  • Кои техники ги користи добриот лидер во комуникацијата со колегите.

ЗА ПРЕДАВАЧИТЕ:

Тијана Дониќ Ковачевиќ, психодинамички организациски консултант

Дипломиран психолог на Филозофскиот факултет во Белград. Сертифициран организациско-системски консултант, со повеќегодишно лидерско искуство во корпоративниот свет. 17 години работа со водечки регионални и странски корпорации.

Раководителка на проекти за повеќе од 250 различни клиенти, од мултинационални компании до мали организации. Креирала и организирала разновидни работилници на различни теми (од развој на вештини до едукација на тренери, како во областа на маркетингот и истражувањата, така и во областа на унапредувањето на човечките односи).

Во својата кариера дискутирала со повеќе од 8.000 потрошувачи.

Станислава Несторовиќ, психодинамички организациски консултант

Искуство и референци Магистер по HR-менаџмент и тренер и HR-консултант со богато корпоративно (интерно и екстерно) искуство, на разновидни проекти за унапредување на луѓето и тимовите, како што се: вештини за комуникација, презентирање и јавен настап, решавање конфликти, менаџерски вештини, управување со времето и стресот, програма за развој на емоционалната интелигенција.

Сертифицирана за организациски системски консалтинг и тренер за асертивно однесување, а поседува и сертификација од страна на Институтот CIPD од Лондон, за изведување тренинзи во областа на развојот на луѓето. Таа е самостоен консултант и сопственик на агенцијата „Одос консалтинг".

КОТИЗАЦИИ:

1 лице – 230 евра

2 лица од компанија – 220 евра по лице

3 лица од компанија – 210 евра по лице

4 и повеќе лица од компанија – 200 евра по лице

(Цените се без ДДВ)

Во котизацијата се вклучени:

  • 2 паузи за кафе;
  • Ручек;
  • Материјали за работилниците во печатена и во електронска форма;
  • Сертификат за успешно завршена работилница.

tags:



Слична содржина

@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 



(ФОТО) Многу интеракција и практични знаења по работилницата со Дарко Лукиќ

13 фев 2018

Како да го совладате стратешкиот KA-менаџмент?

13 фев 2018

(ФОТО) Бренд-менаџери од големите компании задоволни по работилницата со Лукиќ

13 фев 2018

Преговарање со тешки купувачи

13 фев 2018

Дигитален маркетинг

13 фев 2018

Како да станете успешни маркетинг или бренд-менаџери?

13 фев 2018
Вчитува уште новости...