IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Петок, 14.12.2018 || „Виталиа“ продава и во Бангладеш   |  „Нектар“ и „Нелт“ се здружија во Србија   |  „Старбакс“ ќе отвори уште 2.100 ресторани ширум светот  |  „Жито маркети“ прослави 30 години   |  „Дм дрогерие маркт“ забележа двоцифрен раст   |  „Розе“ во „Вашингтон пост“   |  „Виолета“ ја разубави скопска Гинекологија   |  Vincinni извезува во Јужна Кореја   |  Тридневна дружба на вработените на „Макпрогрес“  |  „Лакталис“ го купува „Нестле“ во Малезија за 40 милиони долари   |  Трговците избраа ТОП 100 производи  |  Милијардер купи удел во Starbucks  |  Перутнина Птуј“ ќе продава салами во САД   |  „Метро Бугарија“ воведува автентични млечни продукти  |  Сертификати за компаниите што се фер со потрошувачите  |  „Унилевер“ нема да се сели во Холандија   |  Трговците бираат топ 100 производи   |  Битола стана дел од големиот проект „Coca-Cola Активни зони“   |  Производителите на чоколадо се насочуваат кон Исток   |  Трошоците на живот на месечно ниво намалени, на годишно имаат раст   |   ||
   

Македонија: Зголемени трошоците за живот и малопродажните цени на годишно ниво

11.01.2018
Трошоците на живот минатата година се зголемиле за 1,4%, а цените на мало за 3,2% во споредба со претходната 2016 година, покажува индексот на трошоците за живот на Државниот завод за статистика.

Според статистиката, трошоците за живот лани во декември се зголемиле за 0,1% во однос на претходниот месец, а цените на мало за 0,4%.

Пораст на трошоците на живот мината година е забележан во групите: комуникации, алкохолни пијалаци, тутун и наркотици, транспорт, ресторани и хотели, облека и обувки, рекреација и култура, мебел, покуќнина и одржување на покуќнината, храна и безалкохолни пијалаци. Намалување е забележано во групите: здравје и други стоки и услуги (0,6%), образование (0,3%), домување, вода, електрика, гас и други горива (0,2%). Малопродажните цени забележале пораст во групите: услуги (5,5%), индустриско-непрехранбени производи (2,3%), земјоделски производи (0,9%) и индустриско-прехранбени производи (0,8%). Групата пијалаци е на ниво од претходната година.

Трошоците на живот лани во декември во споредба со истиот месец од 2016 година се зголемиле за 2,4%, а цените на мало за 4,9%.

Порастот на трошоците на живот во декември 2017 година, во споредба со претходниот месец, е резултат на повисоките цени на компирот (1,8%), јајцата (1%), сирењето, урдата, маслото и маснотиите (0,7%), оризот (0,6%), другите прехранбени производи (0,4%), трбушките, сушениот зеленчук, другиот конзервиран и преработен зеленчук (0,2%). Намалување во декември 2017 година, во споредба со претходниот месец, е забележано кај свежото и разладеното овошје за (2%), брашното и другите жита (0,7%), рибата и морските плодови (0,5%), свежиот и разладениот зеленчук освен компирот и другите коренести плодови (0,4%), безалкохолните пијалаци (0,3%), другите пекарски производи, сувото овошје и јаткастите производи (0,2%).



Назад
 
 
 
 
back to top