IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Вторник, 23.01.2018 || Нов „Алди-М плус“ во Гевгелија  |   „Бивода“ планира извоз во Македонија и во Грција  |  Престижен орден од Финска за Светозар Јаневски  |  „Мигрос“ останува лидер, најголем скок во интернет-каналот  |  „Биедронка“ станува сè посилна  |  „Тривит“ ги презеде постројките на пекарницата „Алимпије“  |  „Плодине“ го отворија 81. продажен центар   |  „Гомекс“ планира отворање на 30 продавници  |  „Бел фуд груп“ го презема „Хугли“  |  „Фереро“ го купува американскиот кондиторски сегмент на „Нестле“  |  „Маркс & Спенсер“ го продаде бизнисот во Хонг Конг  |  „Лакталис“ повлекува 12 милиони пакувања млеко за бебиња  |  „Атлантик група“ ја презема дистрибуцијата на „Марс“  |  Пазарџиите ќе работат со лиценци  |  „Агрокор“ ја демантира продажбата на маркетите „Конзум“  |  „Нестле“ го продава кондиторскиот сегмент  |  „Кауфланд“ ќе отвори 15 супермаркети во Молдавија  |  „Волмарт“ ја зголемува платата на работниците  |  „Скопски пазар“ излегува од бизнисот со маркети  |  Тина Пухало Грладиновиќ нов директор на „К пивовари“  |   ||
   

САД: Продолжува трендот на затворање продажни објекти

10.01.2018

Бројот на затворени класични дуќани и продавници во САД во 2018 година би можел да ја надмине и состојбата од рекордната 2017 година, според бројот затворени продавници, оценува американската агенција за недвижности „Кашмен енд Вејкфилд".

 

Според податоците од неодамнешната анализа, објавени на електронскиот магазин „Бизнис инсајдер", eкспертите за недвижности очекуваат помалите и поголемите трговски синџири годинава да затворат 12.000 објекти, што е за една третина повеќе во однос на минатата година.

Според податоците за минатата година, десетина трговски синџири во САД биле принудени да стават клуч на околу 9.000 трговски објекти, а педесетина малопродажни компании биле принудени да заминат во стечај.

Како што оценуваат аналитичарите на пазарот, трендот на стечаи ќе продолжи и годинава, а помеѓу трговците што ќе бидат најпогодени би можеле да се најдат и некои од попознатите, како компанијата за каталошка продажба „Сеарс", основана во 19 век.

Дел од трговските синџири веќе најавија затворање на дел од објектите, така што веќе е најавено затворање на повеќе од 3.500 продажни објекти. Меѓу мив е и синџирот дрогерии „Волгринс", кој планира да затвори 600 од своите продавници.

Меѓу компаниите што најавија затворање на објектите е и „Старбакс", која најави дека ќе затвори 400 продавници за чај што работат под брендот Teavana.

Причините за негативниот тренд во малопродажбата не се изненадување. Тргувањето преку интернет веќе неколку години им одзема дел од пазарот на класичните трговци, со промената на навиките на купувачите, кои сè повеќе ги прифаќаат можностите за купување со компјутер или преку мобилните телефони. Од друга страна, за тоа придонесува и непрестаното проширување на понудата на „Амазон" и на другите компании што нудат услуги за купување преку интернет.

Аналитичарите оценуваат дека затворањето на големите трговски објекти би можело да направи со бранот на затворање да бидат зафатени и околу 300 трговски центри.


Назад
 

 
 
 
back to top