IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Недела, 25.02.2018 || „Маџид ал Футам“ отвора уште 100 објекти „Карфур“  |  „Диа“ оствари бруто-продажба во износ од 10 милијарди евра  |  Рамљак поднесе неотповиклива оставка  |  Пораст на „Шпар“ од 6,5% по проширувањето  |  За 40-от роденден, Стоби Флипс во вселената  |  Успешно спроведена докапитализација на „Бадел 1862“  |  „Нектар“ закупи најголемо земјиште во Владичин Хан  |  „Фереро“ ќе лансира сладолед Kinder, кој ќе го произведува „Унилевер“  |  dm најави партнерство со „Деметер“  |  „Универекспорт“ ја демантираше поврзаноста со лажната наградна игра  |  „Рекит Бенкисер“ најавува финансиско заздравување  |  Наскоро лабораторија за контрола на квалитетот на карловачките вина  |  „Алди норд“ и „Алди зид“ ќе соработуваат во натпреварот со „Лидл“  |  Турци заинтересирани за изградба на најголемата кланица  |  „Амазон“ отвора неколку дистрибутивни центри  |  Американците се „жедни“ за Corona  |   „Лидл“ ја отвори 93. продавница  |  Успешна година за „Шпар“  |  Извозот кон Русија зголемен за 10,6%  |  Пазарот на пакувана вода вреди 2,8 милијарди евра  |   ||
   

Свет: „Нестле“ го презеде латиноамериканскиот „Терафертил“

14.02.2018

Компанијата „Нестле" соопшти дека го презеде мнозинскиот дел од латиноамериканската компанија „Терафертил", која произведува природни органски производи, на база на билки.

Компанијата со седиште во Еквадор има големо портфолио производи, вклучувајќи го и брендот Nature's Heart, а „Терафертил" е и најголемиот светски откупувач на овошјето перуанска јагода (physalis, англ. goldenberry).

Од „Нестле" истакнуваат дека компанијата ќе продолжат да ја водат нејзините основачи, браќата Давид – Раул и Даниел Бермео, кои го почнале бизнисот во 2005 година. Сопствениците велат дека инвестицијата што ќе ја донесе „Нестле" ќе им овозможи да го прошират присусутвото и дистрибуцијата низ целиот свет.

Финансиските детали за трансакцијата не се познати, но познато е дека таа ќе се однесува на сите операции на „Терафертил", како и на имотот на компанијата во седум земји, каде што работи. Засега, компанијата има 4 производствени погони во Еквадор, Мексико, Колумбија и во Чиле, а вработува вкупно 400 луѓе.

Од „Нестле" порачуваат дека со постигнатиот договор се отвора вратата за понатамошно проширување на полето природна и здрава органска храна, особено во Јужна Америка, САД и во Велика Британија.

Швајцарската компанија во последните неколку месеци се фокусира на секторот здрава храна. Кон крајот на минатата година, „Нестле" ги најави плановите за преземање на канадскиот производител на витамини, пробиотици и на заменски оброци „Етриум иновејшнс" за 2,3 милијарди долари.

Извор: www.esmmagazine.com


Назад
 

 
 
 
back to top