IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Петок, 14.12.2018 || „Виталиа“ продава и во Бангладеш   |  „Нектар“ и „Нелт“ се здружија во Србија   |  „Старбакс“ ќе отвори уште 2.100 ресторани ширум светот  |  „Жито маркети“ прослави 30 години   |  „Дм дрогерие маркт“ забележа двоцифрен раст   |  „Розе“ во „Вашингтон пост“   |  „Виолета“ ја разубави скопска Гинекологија   |  Vincinni извезува во Јужна Кореја   |  Тридневна дружба на вработените на „Макпрогрес“  |  „Лакталис“ го купува „Нестле“ во Малезија за 40 милиони долари   |  Трговците избраа ТОП 100 производи  |  Милијардер купи удел во Starbucks  |  Перутнина Птуј“ ќе продава салами во САД   |  „Метро Бугарија“ воведува автентични млечни продукти  |  Сертификати за компаниите што се фер со потрошувачите  |  „Унилевер“ нема да се сели во Холандија   |  Трговците бираат топ 100 производи   |  Битола стана дел од големиот проект „Coca-Cola Активни зони“   |  Производителите на чоколадо се насочуваат кон Исток   |  Трошоците на живот на месечно ниво намалени, на годишно имаат раст   |   ||
   

Македонија: „Макпрогрес“ со големи инвестиции и иновации

07.03.2018
„Макпрогрес" свечено го пушти во употреба новиот погон за производство, преработка и пакување на брендот Фантазија. Од погонот во кој се инвестирани 650.000 евра ќе излегуваат полуготови миксови за слатки и солени колачи, кулинарски декорации и додатоци, како и зачини. 
На свечената манифестација во Виница, на која присуствуваа бројни соработници на „Макпрогрес", беа откриени и деталите од процесот на интеграција на работењето на прилепската „Дониа", која „Макпрогрес" ја купи пред пет месеци. 

Освен редизајнирање и унапредување на пакувањата, се работело и на усовршување на рецептурите на производите на „Дониа", преку заменување на вештачките состојки со природни, додавање поголем процент ореви и развој на нови производи. Традиционалниот крушевско-прилепски локум на „Дониа", според зборовите на извршниот директор на „Макпрогрес", Глигор Цветанов, е производ за кој постои голем интерес и со кој планираат освојување на многу регионални и светски пазари. 

Дел од производите на „Дониа" блиски на портфолиото на брендот Винчини, како едноставните бисквити, мешавините од колачи, гурабиите, ваниличките, на пазарот ќе продолжат да се пласираат во нови дизајни и под брендот Винчини. 

Сепак, најголемата новина што беше претставена од „Макпрогрес" е новиот бренд Фантазија, кој на пазарот носи иновативни производи, кои се во чекор со брзиот животен стил и нудат решение за постојаниот недостаток од време. Главните производи на Фантазија се готовите смеси за благи и солени колачи, палачинки и вафли, на чии рецептури се работело околу две години.  Во рамки на оваа линија имаме нешто што е новитет и наша иновација, на која особено сум горд – никаде во светот нема вакви миксови за солени мафини. Првпат „Макпрогрес" ја претставува Фантазија со три солени производи – солен мафин со семиња, со вкус на пица и солени крекери со овес и овесни снегулки, изјави Цветанов.

Со овие чекори „Макпрогрес" ја зацврстува својата позиција на пазарот и ги зголемува своите извозни капацитети, кои и досега успеваа да ги задоволат барањата за извоз во над 55 држави во светот. Како што велат од компанијата, нивна цел е до 2020 година двојно да го зголемат својот производствен капацитет во однос на 2014 година.



Назад
 
 
 
 
back to top