Свет

Милијардерот Џек Ма се повлече од „Алибаба“

10 сеп 2019

Милијардерот Џек Ма, кој воведе електронска трговија во Кина, денеска официјално се повлече од местото извршен претседател на „Алибаба“.

Тој си заминува од функцијата по две децении и откако создаде бизнис вреден 460 милијарди долари.

Ма претходно најави дека ќе се посвети на филантропијата, а на местото извршен претседател ќе го замени досегашниот извршен директор на „Алибаба“, Данијел Чанг.

Заминувањето во пензија Ма ќе го одбележи со голема прослава во градот Хангџо, каде што се наоѓа седиштето на „Алибаба“.

Ма во 2014 година ја формира „Џек Ма фондацијата“ истакнувајќи оти за добротворната работа инспирација му е „Фондацијата на Бил и Мелинда Гејтс“.