IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Среда, 24.01.2018 || „Карлсберг“ мора да плати пазарна цена за уделот во „Хабеко“  |  Норвешкиот амбасадор ја посети фабриката „Књаз Милош“  |  И „Сеинсберис“ ќе крати менаџерски позиции  |  „Карфур“ ја објави визијата за 2022 година  |  „Амазон“ ги објави 20 потенцијални локации за новото седиште  |  „Теско“ затвора 1.700 менаџерски работни места  |  Мрежата на „Профи“ достигна 700 објекти  |  „АЦ фуд“ го купува последниот дел од имотот на „Агрокомерц“  |  „Шпар“ - Словенија ја претстави онлајн-продавницата  |  Отворен е првиот „Амазон гоу“ за потрошувачите  |  Промоција на Fuzetea, бренд достапен и на македонскиот пазар  |  Нов „Алди-М плус“ во Гевгелија  |   „Бивода“ планира извоз во Македонија и во Грција  |  Престижен орден од Финска за Светозар Јаневски  |  „Мигрос“ останува лидер, најголем скок во интернет-каналот  |  „Биедронка“ станува сè посилна  |  „Тривит“ ги презеде постројките на пекарницата „Алимпије“  |  „Плодине“ го отворија 81. продажен центар   |  „Гомекс“ планира отворање на 30 продавници  |  „Бел фуд груп“ го презема „Хугли“  |   ||
   

За маркетите: Улогата на ЕАС-системите на влезот во супермаркетот

11.11.2013
Безбедноста на прво место
 
Улогата на ЕАС-системите на влезот во супермаркетот
 
Актуелниот „shrink management" кај малопродажниот бизнис или, со други зборови, сведувањето на кражбите во супермаркетите на минимум, има значително влијание врз профитот што го остваруваат супермаркетите. На глобално ниво, бројките велат дека 40% од профитните маргини се намалуваат во малопродажните бизниси како резултат на кражбите.


Пишува: Билјана Костов Жежовска, извршен директор на „Маркето Солутионс"
 
Во изминатиот број пишувавме за ситуацијата кога потрошувачот се наоѓа пред супермаркетот. Во овој број ќе ја разгледаме ситуацијата кога тој се упатува кон влезот на маркетот. За голем број потрошувачи антените за заштита од кражба што се поставени на влезот и на секоја излезна каса во еден соодветно наместен супермаркет се незначителен елемент.
 
Во овој момент потрошувачот е најмногу фокусиран да посегне по својата количка или кошничка за пазарување. Затоа, во овој број ќе се задржам на безбедносните антени и нивната мултифункционалнa улога во малопродажниот бизнис.
 
Актуелниот „shrink management" кај малопродажниот бизнис или, со други зборови, сведувањето на кражбите во супермаркетите на минимум, има значително влијание врз профитот што го остваруваат супермаркетите. На глобално ниво, бројките велат дека 40% од профитните маргини се намалуваат во малопродажните бизниси како резултат на кражбите.
Бидејќи кражбите во супермаркетите се сè почести, не само во домашни рамки туку и во глобални, денес супермаркетите не можат да се замислат без безбедносни системи со кои се контролираат, односно се спречуваат кражбите.
 
Денес, најпопуларни кај малопродажните синџири се ЕАС-системите (електроакустичните системи) со кои во исто време се обезбедува безбедност во супермаркетот од аспект на кражба на производи и отворена трговска средина, а се подобрува и ефикасноста на синџирот на набавки, преку обезбедување податоци за посетителите во супермаркетот и промоција на маркетиншките пораки.
 
Најпрвин, што се однесува од безбедносен аспект, антените комбинирани со безбедносни додатоци од типот на етикети, тагови, спајдери, капачиња и слично овозможуваат максимална заштита во супермаркетот. Не само што се зголемува сигурноста туку и се овозможува слободно движење на производите и потрошувачите низ супермаркетот, што се нарекува отворена трговска средина.
 
Да претпоставиме дека сте во супермаркет и дека стоите пред рафтот на скапи пијалаци или парфеми. Бидејќи стоките се луксузни, најчесто се заклучени во некоја витрина и не можете веднаш да ги имате на дофат со цел да ја доживеете амбалажата и затоа ќе треба да повикате персонал да ве услужи. Сето ова чини трпение и време, што сè почесто ги нема кај потрошувачите.
 
Сведоци сме дека денес сè почесто се забележуваат безбедносни додатоци кај производите во супермаркетите што се обезбедуваат од страна на супермаркетите или, пак, од страна на производителите. Таков пример е брендот Gillette, што како производител на жилети самиот обезбедува безбедносни кутии во кои се наоѓа производот подготвен за понатамошна дистрибуција. Компаниите што се светски познати за создавање на вакви решенија имаат смислени креативни и функционални додатоци за заштита на производи од секаков тип.
 
Следна придобивка од користењето на безбедносните ЕАС-системи што се користат на влезовите во супермаркетите е бројачот на посетители, што се додава, односно се вградува на антената при влез во супермаркет. Од најпроста до најсложена статистика, бројачите на посетители можат да овозможат значителни податоци. На пример, многу често менаџментот во супермаркетот сака да дознае во кој временски период се пиковите на посетителите. Со поставувањето на вакви уреди тие доаѓаат до вистински временски податоци што можат да се користат во форма на современи извештаи на едноставен начин.
Како највпечатлива придобивка за потрошувачите од ЕАС-системите е можноста за користење адверајзинг-панели со кои се обложуваат антените на влезот и на излезот. Тоа значи дека антените немаат само техничка и безбедносна улога, туку и маркетиншка, што е битна за потрошувачот. Промоција, акција, нов производ, имиџ-реклама и сè она што треба потрошувачот да го види – го гледа на влезот, а може да се потсети и на излезот.
 
Едноставно кажано, примената на вакви системи за заштита од кражба им овозможуваат на супермаркетите да ги намалат загубите, трошоците и воедно да ја зголемат профитабилноста.



 
 
 
 
back to top