IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Сабота, 21.04.2018 || „Млин и пекара Љубаче“ со нова инвестиција  |  Natur Premium пристигнува на македонскиот пазар  |  „Монделез“ вложува 90 милиони евра во „фабрика на иднината“  |  „Рамстор“ го отвори 25.маркет  |  „Хенкел“ отвори нова фабрика Somat во Крушевац  |  „Сан Пелегрино“ со приход од 895 милиони евра  |  „Карфур“ ги отвори првите пунктови испорака за пешаци  |  „Персу“ ги повика локалните производители да соработуваат  |  „Кимберли Кларк“ ќе го проширува капацитетот во Алабама  |  „Витамин“ на саемот во Мостар  |  Владимир Косијер нов генерален директор на „Пивара Скопје“  |  „Амазон“ е во преговори со авио-превозникот „Азул“  |  „Домаќа трговина“ со ново место за пазарење  |  Клучно одобрување на „Бајер“ за „Монсанто“  |  „Витаминка“ го рестартира производството на Брилијант  |  Во Сплит отворен првиот супермаркет „Шпар гурмет“  |  Розовиот Kit Kat пристигнува и во Европа  |  „Млекарнa Целеиа“ забележа пораст од 9%  |  „Ошан“ лансира нов формат во Украина  |  „Мирана“ ја купи „Аронија здрава храна“  |   ||
   

Милош Јелиќ: Стандард за дистрибуција

18.02.2013
Регионално интервју: Милош Јелиќ, генерален менаџер на „Нелт"

Разговараше: Уна Милиќевиќ

Компанијата „Нелт" е основана во 1993 година со големопродажбата како основна дејност. Во водите на организираната дистрибуција влегува во 1996 година, со остварувањето соработка со компанијата „Проктер & Гембл". Денес, „Нелт" има 100 принципали, вработува повеќе од 3.000 луѓе во седум земји, на два континента. Деловните операции покриваат дистрибуција на прехранбена, непрехранбена стока и фармацевтски производи, логистички услуги (3PL), производство на прехранбени производи и малопродажба. На сајтот на оваа компанија стои: „Со дваесетгодишно искуство, амбициозни, но внимателни, постепено ги испишуваме следните станици од нашето патување. На прашањето што следно ќе се најде на тие страници, Милош Јелиќ, генералниот менаџер на „Нелт" вели:

Дваесетте години што се зад нас се показател дека учевме, напредувавме и растевме на пазарот. Пред компанијата „Нелт" секогаш стои повеќе од еден предизвик. Нашата стратегија на работење во себе содржи неколку приоритети што претставуваат патокази што ги следиме, евалуираме и мериме. И во кризни времиња, какви што беа минативе, а и следните години, стабилно и сигурно го зголемуваме ова работење. Сметаме дека разбирањето на заемните потреби на принципалите и на клучните купувачи е од исклучителна важност. Нашиот успех е во директна врска со активностите што ги спроведуваме, а што резултираат со исполнување на тие потреби.

На годишниот состанок на менаџерите на групацијата „Нелт" во октомври 2012 година, најавивте специфични чекори во 2012 и 2013 година. За какви чекори конкретно станува збор?

Времето што е пред нас за „Нелт" претставува, пред сè, продолжување на развојот на работењето на територијата на западниот Балкан и Африка. Ќе се обидуваме да го прошириме портфолиото на производи и деловното партнерство со лидерите во категориите што моментално не ги работиме. Кризата ја доживуваме и ја сфаќаме како можност за пораст. Во доменот на производството ќе го прошириме производственото портфолио, но и производствените капацитети. Сериозно ја разгледуваме и можноста за аквизиција или за гринфилд-инвестиција во производството на храна. Што се однесува до проширувањето на деловните операции во Европа, во овој момент, планираме нивно проширување и во Албанија, со што би го заокружиле целиот простор на западниот Балкан, додека на африканскиот континент, по иницијалниот план, ја завршуваме првата фаза од работењето во рамките на потсахарскиот кластер.

Давате услуги и во логистиката и во маркетингот. На што конкретно се однесуваат тие услуги?

Во областа на логистичките услови, „Нелт" на клиентите им овозможува меѓународен транспорт, складирање, складишни манипулации, пакување и препакување и комплетно царинско посредување, како и достава на стоката на териториите на кои работиме. Важен дел од овој логистички систем е и компанијата „Јавни складишта" – Суботица, која од 2008 година работи во состав на „Нелт". Нашето долгогодишно искуство во овозможувањето на сите видови на логистички услуги на клиентите, како што се „Марс", „Фереро", „Крафт Фудс", ВИП, „Бол Пекинг", „Мекдоналдс", „Доктор Еткер" и други, ни овозможи со голема доверба да ни ги препуштат комплетните процеси или сегментите од своите синџири на снабдување. Со повеќе од 100.000 м2 складиштен простор во различни температурни режими и типови на складирање на територијата на западниот Балкан, подготвени сме да одговориме на различни барања на постоечките и потенцијалните клиенти. Една од работите што бара многу, а што ја извршуваме во моментов, е проектот на интерна логистика во фабриката „Филип Морис Интернационал" во Ниш, каде што преземавме дел од нивниот интерен синџир на снабдување. Кога говориме за маркетингот, тоа, пред сè, се однесува на услугите за мерчендајзинг, собирање податоци и промоција и советување на потрошувачите во малопродажните објекти. Нашиот тим од 250 луѓе секојдневно е на терен и ја познаваме секоја педа од сите типови на малопродажбата во Србија.

Со купување на „Неопланта" влеговте во производството. Зошто се одлучивте на овој потег?

Дистрибуцијата има лимити и свесни сме дека не можеме да очекуваме оти работата постојано ќе расте и дека нема да биде изложена на силните влијанија на пазарот. Ја приватизиравме „Неопланта – месна индустрија", Нови Сад. Го препознавме потенцијалот на оваа компанија и синергискиот ефект на дистрибуцијата и производството. Тоа беше осмислена деловна одлука што ни ги отвори вратите кон алтернативните бизнис-модели. Со овој чекор обезбедивме долгорочно остварување на одржливиот пораст и стабилност на целата компанија. Денес, „Неопланта", само пет години по приватизацијата, е една од трите најуспешни компании во Србија во месната индустрија, со капацитети што ги покриваат регионалните, но и пазарите на Русија, Кина и, од неодамна, на Африка. Ја завршуваме фазата на реконструкција на производните машини, чијашто вкупна инвестиција надмина 15 милиони евра.

Прочитајте повеќе во печатеното и електронското издание на InStore бр.4...

 
 
 
 
back to top